top of page

الليزر وتجميل الجروح: إمتة نبدأ الجلسات وهل كل اثار الجروح تتعالح بالليزر فقط؟


تعد اثار الجروح والعمليات من اكثر الشكاوى التجميلية وقد تكون ناتجة عن حادث او منذ مرحلة الطفولة مثل اغلب جروح الوجه عند الاطفال وقد تكون ناتجة عن عمليه جراحية او اثار حب شباب كثيف وفى بعض الحالات لا يتوقف الامر عند شكل اثر الجرح سواء لونة احمر او لونة لون الجلد لكن المشكلة قد تكون فى ارتفاعة عن الجلد او عرضة او وجود خلايا زائدة اعلى مستوى الجلد عبارة عن خلايا وحشية على شكل كلاكيع او تورمات ليفية، حديثا اصبح استخدام الفراكشنال ليزر او الليزر الكربونى فى تجميل اثار الجروج وتقليل مضاعفتها والحد من زيادة حجمها يمثل حلاً جيداً

امتة نبدا جلسات ليزر بعد الحروق

نبدا بعد التئام الجرح وفك الغرز ب 10 ايام على طوول ومابنستناش عشان يسا عدنا فى تحسين جودة اثر الجرح وتقليل احتمالية ارتفاع الجرح عن الجلد او تسبغ لونة

ايه اللى بيستجيب افضل لليزر الجرح اللى لونة احمر ولا لون الجلد

الجرح اللى لونة احمر الحديث بيستجيب بنسبة اكبر بكتير لانة لسة بيبقى فى بدايه مراحل الالتام. الليزر بيساعدنا انة يقصر فترة الوصول للون الجلد لكن بردة اثار الحروق اللى واخدة لون الجلد بتتحسن بنسبة 30 فى المية بس مع عدد جلسات اكتر

هل كل اثار الجروح تتعالح بالليزر فقط

لا طبعا الحالات اللى فيها الجرح عريض او منخفض عن مستوى الجلد او عامل شد على جزء هام فى الوجه او اليدين بيحتاج تقييم جراح التجميل لتحديد امكانية عمل جراحة تجميل والنتايج المتوقعة وهل هانكمل جلسات الليزر لفترة اد ابه

هل الليزر بيضيع اثار الجروح والندبات خالص

لا طبعا اثار الجروك والندبات حتى الان مافيش علاج لها يضيعها بنسبة 100% إنما ترجع جلد طبيعى والسبب ان اثر الجرح او الندبة الللى احنا شايفينة بعنينا ديه عبارة عن خلايا التام ربنا عاملها عشان تلم الجرح وتقفلة لكن مافيهاش شعر ولا غدد عرقية ولا غدد شمعية وعشان كدة بتبقى لونها مختلف عن الجلد ومرونتها مختلفة عن الجلد ومافيهاش لمعة الجلد فبتبان عاملة زى فواصل السيراميك او لزق السيلكون فبتبان امال بنعمل تجميل بالليزر او عمليات ليه طبعا عشان نحسن الشكل ونسبة التحسن بتبقى حدود 30% او 40% وبالكتيييييييراوى 50% اكتر من كدة يبقى كلامى غير واقعى وغير حقيقى

طيب ليه جرح القيصرية مابيبنش خالص

جرح القيصرية مابيبانس ومابيحتاجش تجمبل عشان الجراح بيختارة بإيدة فى مكان فيه تنية جلد مابين اسفل البطن والعانة وماعليهوش اى شد خالص وديه من الجروح اللى بنسميها الجروح المستحسنة او المحظوظة فى نتائجها

ليه لما بنيجى نعمل عمليه شد البطن الجرح بيظه راكتر من القيصرية مع اننا عاملينة فى نفس المكان

السبب ان عمليه شد البطن فيها شد للجلد وعشان كدة الجرح بيظهر شويه

عايزين نقول ان تجميل الجروح والندبات وتجميل اثار العمليات فيه كلام كتير غير حقيقى وفية مرصى بتنخدع بوعود ان الجرح هايختفى خالص ودة غير صحيح بس هما بيبقى نفسهم ان الجلد يرجع طبيعى والجرح يختفى خالص وبينخدعوا بالوعود ديه وغالبا النتائج بتبقى اوحش من الاول وبياخد فترة اطول ومجهود اكبر عشان نحاول نجىب نتائج بتبقى اقل من الاول

نعمل ايه فى الجرح الللى عالى عن الجلد والجرح الللى عمل كلاكيع وتكيسات وفية هرش ووارم غير انة بيشد على الجلد جامد

النوع دة من الندبات بنسمية keloid او ندبة متضخمة ودول الليزر بيجيب فيهم نتايج كويسة جدا وبنساعد بحقن الكورتيزون جوا الجزء المرتفع من الجلد وبيدى تحسن لكن مش هايختفى خالص وماننصحش حد يعمل فيهم جراحة تجميل خالص التجميل بتاعهم بيبقى بحقن الكورتيزون او الليزر ودة بيعد احدث حاجة بنعملها دمجهم ورا بعض الحجات ديه بتبقى متواجدة لو حصل فيهم جرح مثل مكان ثقب الحلق والتطعيم الللى فى الكتف الشمال ومنطقة الصدر عند بعص الشباب اللى بيبقى عندهم حبوب شباب فى المنطق ةدية وبيبقى فية ميول عائلى لحدوث المشاكل دية وكمان فى بعض حالات عمليه القلب المفتوح

23 views0 comments
bottom of page