حروق المنزل: إزاى نتجنبها واية الإسعافات الأولية؟
الحروق من المشاكل اللى بتقابل اى حد صغير او كبير ست او راجل فى الحيا
ة اليومية اشهرها حروق المطبخ واللى بتحصل لست البيت اثناء الطبخ وعمل الاكل يا اما لسعة من البوتحاز او لسعة وهى بتطلع حاجة سخنة من الفرن او حاجة سخنة وقعت عليها دا غير طرطشة الزيت ودية بتحصل وهى بتقلى البطاطس والسمك والبتنجان علشان كدة عايزين نقول لست البيت دايما يبقى عندكوغطا حلة على قد الحلة اللى بتقلى فيها ولازم اى حاجة هاتقليها تسيبيها ربع ىساعة فى المصفى تنزل المية اللى فيها قبل مانقليها واما نيجى نحطها فى الزيت بلاش العادة انك تحطى الحاجة فى الزيت بايدك عايزة تحطى سمكة او شوية بطاطس شيليهوم بالمقصوصة وحطيهم فى الزيت. انا عارفة انك لازم تحطى كل حاجة ولزيت حامى بس عشان طرطشت الزيت والزيت حامى اعملى زى ما ابقولك. وعلى طوول اعملى حسابك النار بتاعتها ماتزدش عن ارضية الطاسة بحيث لو الزيت طرطش ماتلقطش النار يولع فى الصنية ولو لا قدر الله حصل الكلام دة على طوول تغطى الطاسة بالغطا عشان تمنعى الهوا اللى بيساعد على الاشتعال والنار تنطفى على طوول
ازاى اتعامل مع حروق المطبخ زى حرق الزيت لسعة بوتجاز او فورن او طاسة
بلاش موضوع التلج دة خالص او معجون الاسنان. كل اللى هاتعمليه تفتحى حنفية المية العادية وتحطى ايدك تحتها دة هايقلل الألم كتير ووهايمنع ان الحرق يزيد وعلى طول لازم يبقى عندك مرهم حروق فى البيت زى الديرمازين تدهنى بيه الايد او الوش لغاية ماتخدى راى دكتور حروق واعملى حسابك ان اللى بيعالج الحروق دكاترة جراحة التجميل وعموما لو الحروق ديه سطحية فى البيت ممكن تدهنى ديرمازين وتاخدى مسكن لغاية ماتكشفى عند دكتور جراحة تجميل
بالنسبة للحروق اكتر من السطحية, الاول لازم عشان تكونى واقفة فى المطبخ متطمنة لازم يكون فى المطبخ طفاية حروق لاى ظروف مش عارفين ايه ممكن يحصل ولو فى اى وقت من الاوقات شميتى ريحة غاز ماتولعيش النور، اول خطوة هوى الشقة وروحى على المحبس الرئيسى بتاع الغاز اقفلية وماتولعيش نور ولا نار غير لما الريحة تختفى وبلغى شركة الغازوعايزين دايما نستخدم عيون البوتجاز اللى جوة جهة الحيطة وتبقى ايد الحلة يمين وشمال ماتبقاش فى اتجاة وش البوتجاز ضرورى لان الاطفال لغاية سن 5 سنين بيشد الحاجة ويرميها والحلل فى اى بوتجاز بتبقى مستوى راس الاطفل فلو شدها ووقعت عليه نسبة الحروق بتبقى خطيرة جدااا ونصيحتى ليكى كأم زيك لازم تعملى ترباس على شكل عصفورة او تمساح بارتفاع ايدك طول مانتى مش موجودة اقفلى الشنكل وطبعا ماتنسيش تقفلى المفتاح الرئيسى بتاع الغاز وعايزين نعمل للحمام نفس الترباس دة علشان ممكن الطفل يطلع على السلم الصغير ويفتح البنيو ويملاة مية ويلعب هو واخوة الصغير فممكن يقع وتبقى المية باردة.
اى مواد كاوية فى البيت زى مزيل الصدا منظف الالوميتال منظف الحمامات الكلور والبطاس ومية النار والفنيك الكلاام دة كلة يتحط فى درج من ادراج المطبخ ويتعملة رزة بمفتاح ومايتفتحش او يتقفل غير عن طريقك انتى لان ديه كلها مواد كاوية لو وقعت على الجلد هاتكويه وفى اطفال مايعرفوهوش وممكن يشربوها ودة لو حصل ما عاذ الله يشرب مية وحليب وعشان كدة الحليب مايتقطعش من البيت لانة ليه فوايد تانية زى انة بيساعد نمو الجسم ويمد الجسم بالكالسيوم وماتنسيش تعرض الجسم للشمس عشان الشمس مهمة لوظيفية فيتامين د.